"Böyük qardaşlıq nümunəsi göstərərək əməkdaşlıq, logistika mövzusunda dəstək verdik və işğal altındakı torpaqlar azad olundu". ONN media   xəbər verir ki, bu sözləri Türkiyənin Müdafiə naziri Hulusi Akar deyib. O, Rus-Türk Birgə Mərkəzinin Ağdamda yerləşəcəyini xatırladıb: "Ruslar ilə birgə mərkəzin yeri müəyyənləşib: Ağdamda olacaq. İnşaat işləri aparılır. Başlarında olacaq generalımız və digər hərbi heyətimiz hazırdır. Əlavə olaraq, oraya partlayıcı mütəxəssislərimizi göndərdik. Ümumilikdə, 100 nəfər. 2 xüsusi mina axtarış komandası var. Təlim də keçəcəklər". Akar qeyd edib ki, Qarabağda atəşkəsə böyük ölçüdə əməl olunur: "Ruslar sülhü qorumaq çərçivəsində oradadırlar. "Ruslar bölgədə Türk əsgərlərini istəmirmiş" kimi bir məsələ yoxdur, onlar "Türk əsgərinin varlığı Türkiyə-Azərbaycan arasındakı mövzudur" dedilər".