Məlum olduğu kimi, 14 fevralda bütün dünya Müqəddəs Valentin – Sevgililər Gününü qeyd edəcək. ONN media  xəbər verir ki, Türkiyədə 2016-cı ildə qəbul edilən qərara əsasən, Sevgililər Gününü unutmaq boşanma səbəbi hesab olunur. Ali Məhkəmənin Hüquq Bürosunun qəbul etdiyi qərara əsasən, Sevgililər Günü ilə yanaşı, evlilik ildönümü və doğum günü kimi xüsusi günlərin unudulması, konsert, toy və tədbir kimi sosial məkanlarda yoldaşın daim yalnız buraxılması məhkəmə tərəfindən səbəb olaraq qəbul edilir. Türkiyə Mülki Qanununun 166-cı maddəsinə əsasən, bu qəbahətlər evlilik müəssisəsinin təməldən sarsılmasına yol açır.