ONN media xəbər verir ki, fevralın 26-da rusiyalı musiqiçi Andrey Makareviç özünün Facebook sosial şəbəkəsindəki hesabı üzərindən Rusiya prezidenti Vladimir Putinə müraciət edib.

Müraciətdə deyilir:"Alimlər müharibənin əleyhinədir. Həkimlər müharibənin əleyhinədir. Yazıçılar, rəssamlar, rejissorlar, aktyorlar, musiqiçilər müharibənin əleyhinədir. Müəllimlər müharibənin əleyhinədir. Bütün normal insanlar müharibənin əleyhinədir - başqa cür olmamalıdır. Hökmdar, kiminlə qalacaqsan?

Tanınmış musiqiçidən sitat: "Kiçik bir qrup insanı uzun müddət aldada bilərsiniz. Qısa müddətə çox insanı aldada bilərsiniz. Amma çox insanı uzun müddət aldada bilməzsiniz". "Həqiqət naminə" Makareviç.