ABŞ-la Çin ticarət sazişinin şərtlərinin 90 faizində razılıq əldə edib. ONN media xəbər verir ki, ABŞ-ın Maliyyə naziri Stiven Mnuçin CNBC televiziyasına açıqlamasında belə deyib. O, bildirib ki, bəzi detallarla bağlı fikir ayrılığı qalsa da, yekun razılığın əldə olunacağına ümid böyükdür. Qeyd edək ki, bu həftə Yaponiyada təşkil olunacaq G20 zirvəsi çərçivəsində ABŞ prezidenti Donald Tramp və Çin sədri Si Cinpin arasında görüş olacaq. Tərəflər bu görüşə böyük önəm verir.