Azərbaycan Dövlət İqtisad Universitetində (UNEC) yanğın olub.

ONN media xəbər verir ki, yanğın səhər saatlarında ali məktəbin əsas tədris binasındakı tədris mərkəzi otağında baş verib.

Hadisə yerinə Fövqəladə Hallar Nazirliyinin (FHN) yanğınsöndürən maşınları və canlı qüvvəsi cəlb olunub.

Yanğının qarşısı alınıb. Xəsarət alan olmayıb.

Yanğın nəticəsində tədris mərkəzindəki bir neçə avadanlığa zərər dəyib.

***

FHN Azərbaycan Dövlət İqtisad Universitetində baş vermiş yanğınla bağlı məlumat yayıb.

"Bakı şəhərinin Səbail rayonunda Azərbaycan Dövlət İqtisad Universitetinin yerləşdiyi üçmərtəbəli binanın 2-ci mərtəbəsində ümumi sahəsi 127 m2 olan otaqda rəflər, sənədlər 15 m2 sahədə, 1 ədəd kondisioner və 4 ədəd kompüter yanıb.

Bina yanğından mühafizə olunub. Yanğın yanğından mühafizə bölmələri tərəfindən söndürülüb" - məlumtda qeyd olunub.