Türkiyə Böyük Millət Məclisinin sədri Mustafa Şəntop Rusiya Prezidenti Vladimir Putinlə görüşüb. Axar.az xəbər verir ki, Şəntop Moskvada keçirilən 2-ci Beynəlxalq Parlamentarizmin İnkişafı Forumunun bağlanış mərasimində Putinlə təkbətək görüşüb. Forumun keçirildiyi oteldə reallaşan görüşdə Türkiyə ilə Rusiya arasındakı münasibətlər müzakirə olunub. Şəntop iyulun 1-də Rusiyaya məxsus sualtı gəminin qəzaya uğraması nəticəsində 14 rusiyalı dənizçinin ölümü ilə bağlı Putinə başsağlığı verib.