ABŞ prezidenti Donald Trampın ölüm xəbərlərinin yayılması ABŞ-da rezonans doğurub. ONN media xəbər verir ki, xəbərlər əsassız çıxsa belə, amerikalılar bu ehtimalın gerçəkləşəcəyi təqdirdə prezident səlahiyyətlərini kimin icra edəcəyini müzakirə edir. Belə ki, ABŞ prezidentinin başına bir iş gəlməsi təqdirində, onun yerinə köməkçisi Mayk Pens keçəcək. Pensin prezident səlahiyyətlərini icra edə bilməməsi halında isə 1792-ci ilə yazılan ABŞ Prezidentliyi Vərəsəlik Qanununda detallı və uzun siyahıya müraciət olunacaq. Siyahı belədir: 1. Prezident köməkçisi 2. Nümayəndələr Palatasının sədri 3. ABŞ Senatının müvəqqəti prezidenti 4. Dövlət katibi 5. Maliyyə naziri 6. Müdafiə naziri 7. Baş prokuror 8. Daxili işlər naziri 9. Kənd təsərrüfatı naziri 10. Ticarət naziri 11. Əmək və sosial müdafiə naziri 12. Səhiyyə və humanitar xidmətlər naziri 13. Mənzil və şəhərsalma naziri 14. Nəqliyyat naziri 15. Enerji naziri 16. Təhsil naziri 17. Veteranların işi üzrə nazir 18. Daxili Təhlükəsizlik naziri