Gürcüstanın baş naziri Mamuka Baxtadze Rusiya prezidenti Vladimir Putinin Gürcüstana sanksiya tətbiq etməməsi qərarını alqışlayır. ONN media xəbər verir ki, Rusiya Federasiyası Dövlət Duması çərşənbə axşamı keçirilən iclasda hökumətə Gürcüstanla bağlı xüsusi iqtisadi tədbirlərin tətbiq olunmasının mümkünlüyünü nəzərdən keçirməsini və prezidentə müvafiq təklifləri təqdim etməyi təklif edib. Lakin, Putin iqtisadi məhdudiyyətlər tətbiq etmək fikrini dəstəkləməyib. Baxtadze deyib: "Təbii ki, bu qərar yaxşı qərardır və alqışlanır. Mənim şəxsi mövqeyim belədir, xalqlar arasında münasibətlərdə heç bir maneə olmamalıdır".