Azərbaycanın İran konfliktinə cəlbi fəlakətli olar. Axar.az xəbər verir ki, bunu “Moskva-Baku” portalına müsahibəsində rusiyalı ideoloq, filosof Aleksandr Duqin deyib. “Əgər ABŞ-ın müdaxiləsi baş versə, bu, region üçün son mənasına gələcək. Ayətullah rejiminə qarşı heç bir qələbə xarakterli müharibə baş verməyəcək. İranda fərqli istiqamətlərdə olan çox çətin, uzunmüddətli konflikt başlayacaq. Qonşu Azərbaycan bu və ya başqa formada Cənubi Azərbaycan hesabına konfliktə cəlb ediləcək ki, bu da fəlakət olacaq. Azərbaycana qaçqın, radikal elementlərin axını olacaq. Rusiyanın özü bu situasiyada zəifləyəcək”, – deyə o bildirib.