Yasamal rayonu 2-ci Alatava yaşayış massivini su basıb.

ONN media xəbərr verir ki, hadisə sözügedən ərazidə yerləşən su anbarının daşması nəticəsində yaşanıb. Belə ki, axşam saatlarında su anbarına həddən artıq dolan su daşıb və bir neçə məhəllə suyun altında qalıb.

Məhəllələrin aşağı hissəsində yerləşən onlarla ev su ilə dolub. Su anbarının həyətyanı ərazisini küçə ilə ayıran istinad divarları su axınının sürətindən zədə görüb. Divarın bəzi hissələri ovularaq tökülüb.

İlkin məlumata görə, böyük borulardan anbara gələn suyu bağlamaq unudulub və nəticədə belə bir hadisə baş verib.