Bir elektron ödəniş kartından eyni anda ikinci sərnişin istifadə edə bilmir. Bakı-Sumqayıt-Bakı və Bakı-Bakıxanov-Bakı marşrutları üzrə hərəkət edən elektrik qatarlarından istifadə edən sərnişinlər ödəniş kartından istifadə edən zaman problemlə qarşılaşırlar.Onların sözlərinə görə,bir plastik kartda balans olmasına baxmayaraq yalnız bir nəfər keciddən keçə bilir..İkinci şəxs isə ya kart ,ya da bilet almaq məcburiyyətində qalır. Məsələ ilə bağlı ''Dəmir Yolları'' Qapalı Səhimdar Cəmiyyətinin Məlumat Hesablama Mərkəzinin aparıcı analitiki Ləman Xəlilovanın sözlərinə görə, bir kartdan eyni anda ikinci şəxsin istifadə etməsi texniki baxımdan qeyri-mümkündür. Çünki Stansiyada qiymətlərin tənzimlənməsi məsafəyə görə aparılır. Qeyd edək ki, sözügedən marşurutlar üzrə elektrik qatarlarından istifadə üçün plastik kartın satış qiyməti 2 manatdır. https://www.youtube.com/watch?v=Q0VGcmEha1A