Avstraliyada ana və uşaqları meşədə gəzdikləri zaman ölümcül təhlükə ilə üzləşiblər.

ONN media verir ki, uşaqlar qəhvəyi torlu ilanın bir neçə santimetrliyində olublar.

Bu sürünən dünyada ən təhlükəli və aqressiv ilanlardan sayılır. Onun zəhəri bir neçə dəqiqəyə ürəyin dayanmasına səbəb ola bilər. İlan sancmasından baş verən olümlərin 41% məhz qəhvəyi torlu ilanın payına düşür.

Lakin bu dəfə ilan uşaqlara toxunmayıb və onlar sakitcə yanından keçib gediblər. Hətta bu zaman anaları onların şəklini də çəkib. Təhlükənin nə qədər yaxın olduğu sonradan rəsmlərə baxarkən aşkar olunub.