Londonda Sautvork kral məhkəməsi Qazaxıstanın keçmiş prezidenti Nursultan Nazarbayevin nəvəsi Aysultan Nazarbayevə azadlıqdan şərti məhrumetmə cəzası verib. ONN media bildirir ki, buna səbəb eks-prezidentin nəvəsinin başqasının mülkünə qanunsuz daxil olması və polisə müqavimət göstərməsidir. A.Nazarbayevə qarşı bu ittihamlar iyulda baş vermiş insidentə görə irəli sürülüb. Belə ki, Aysultan Kovent Qarden rayonunda mənzilin balkonundan tullanarkən onu yaxalamaq istəyən polisin əlini dişləyib. 29 yaşlı Nazarbayevə qarşı çıxarılan hökmdə, həmçinin, 18 aylıq sınaq müddəti və narkotik asılılığından müalicə olunmaq aktları da var. (qafqazinfo.az)