"Ey Fransa, siz terror təşkilatlarına yardım edən hökumətsiniz. Əvvəlcə bunun əvəzini ödəyin". ONN media xəbər verir ki, bunu Türkiyə prezidenti Rəcəb Tayyib Ərdoğan deyib. "Siz terror təşkilatlarına səs çıxarmasanız, "sarı jiletlilər"lə mübarizə apararsınız. Məzlumların ahı tutar. Son terrorçu aradan götürülənə qədər izləməyə davam edəcəyik. Biz neftin və ya pulun deyil, millətimizin istiqlalı və rifahı üçün suriyalıların evinə geri qayıtmasını istəyirik", - Ərdoğan "Barış Pınarı" hərəkatına qarşı çıxan Fransaya deyib. Qeyd edək ki, Fransa Prezidenti E.Makron "Barış pınarı"nın bölgədə dramatik vəziyyəti dərinləşdirəcəyindən, İŞİD-in yenidən canlanacağından və Suriyanın sabitliyini həmişəlik itirməsinə yol açacağından narahatlığını dilə gətirmişdi.