Fransaya məxsus Reyunyon adasında köpəkbalığı şotlandiyalı turisti yeyib. ONN media xəbər verir ki, üzmək üçün Hind okeanına yollanan 44 yaşlı turistdən xəbər alınmayıb. Helikopter, dalğıclar və itlərin köməyilə axtarış başlasa da, uğursuzluqla nəticələnib. Bir neçə gün sonra turistlərin dincəldiyi çimərlikdə köpəkbalığı olduğu bildirilib. Zərərsizləşdirilən köpəkbalığının qarnından barmağında üzük olan kişi əli tapılıb. Arvadı üzüyün itkin düşən ərinə aid olduğunu bildirib. Qeyd edək ki, Reyunyon adası Hind okeanı sahilində, Fransaya məxsus adadır. Son üç il ərzində bu adanın sahilində dincələn adamlara 24 köpəkbalığı hücum edib, onlardan 11-i ölümlə nəticələnib.