Kreml Türkiyə Prezidenti Rəcəb Tayyib Ərdoğanla Rusiya Prezidenti Vladimir Putin arasında baş tutan telefon danışığı ilə bağlı məlumat yayıb.

ONN media xəbər verir ki, məlumatda liderlərin telefon danışığı zamanı başda enerji və müdafiə sahəsindəki strateji layihələri də daxil olmaqla, bir çox istiqamətdə işbirliyinin inkişaf edirilməsini müzakirə etdikləri qeyd edilib.

“Liderlər “Türk axını” qaz kəmərinin dekabr ayının sonuna kimi istifadəyə veriləcəyini böyük məmnuniyyətlə qarşılayıb", - Kremldən bildirilib.

Bəyan edilib ki, Ərdoğanla Putin Suriya ilə bağlı əldə edilən razılaşmaya əməl etməkdə həmfikir olub.