“İndi də utanmadan “Türk axını”na görə “buna sanksiya tətbiq edərik” deyirlər. Bu, tam mənası ilə haqlarımıza təcavüzdür”. ONN media xəbər verir ki, bu sözləri Kuala Lumper Zirvəsindən sonra mətbuat konfransında Türkiyə prezidenti Rəcəb Tayyib Ərdoğan deyib. ABŞ-ın Türkiyəyə tətbiq etdiyi sanksiyalarla bağlı suallara cavab verən türk lider bildirib ki, rəsmi Vaşinqtonun sanksiyalarına sanksiyalarla cavab veriləcək: “Yəni biz əli-qolu bağlı oturacaq bir millət deyilik. Həmişə söyləyirəm, biz qəbilə dövləti deyilik. Tarixi ilə, hər şeyi ilə bizim fərqliliyimiz var. Dolayısı ilə, bu məsələ ilə bağlı biz də öz sanksiyalarımızı qətiyyətli şəkildə tətbiq etməyə hazırıq”.