Ermənistanın baş naziri Nikol Paşinyan Sankt-Peterburqda keçirilən Ali Avrasiya İqtisadi Şurasının iclasında biabır olub. ONN media xəbər verir ki, paşinyan çıxışı zamanı üzv ölkələrin rəhbərlərini, o cümlədən, Moldovanın prezidenti İvan Dodonu və Şuranın fəxri sədri Nursultan Nazarbayevi salamlayıb. Lakin daha sonra o protokolu kobud şəkildə pozub. Paşinyan protokol qaydalarına görə, sözü iclasa ev sahibliyi edən Rusiya prezidenti Vladimir Putinə verməli olduğu halda, sənədlərin imzalanmasına keçməyi təklif edib. Qaydaları pozduğunu anlayandan sonra Putinə çıxış təklifi etsə də, Rusiya prezidenti bundan imtina edib. Qeyd edək ki, iclas zamanı quruma sədrlik Ermənistandan Belarusa keçib.