Türkiyə Prezidenti Rəcəb Tayyib Ərdoğan 24 dekabr – xristian dininə sitayiş edənlərin Milad bayramı münasibətilə təbrik məktubu yayımlayıb. ONN media xəbər verir ki, Ərdoğanın təbrik məktubunda deyilir: “Köklü tariximizdən qazandığımız təcrübə və ilhamla, mənşə, irq, məzhəb, inanc ayrı-seçkiliyi etmədən bütün vətəndaşlarımızın öz mədəniyyət, din və adət-ənənələrini sərbəst yaşamaq azadlığına əhəmiyyət veririk. Fərqliliyi zənginliyimiz olaraq görür, sayğı və ədalətin, birlik və bərabərliyimizin olduğu düşüncəsiylə gələcəyə doğru addımlayır, sülh içində bir yerdə yaşayaraq bu coğrafiyada ortaq gələcək qurmaq mövzusunda qətiyyətimizi davam etdiririk. Fərqli təriqətlər, adət və kilsələrə mənsub Xristian vətəndaşlarımızın öz inancları daxilində qeyd etdikləri Milad bayramının  həmrəylik və tolerantlıq mühitinin inkişafına şərait yaratmasını arzulayıram,bütün xristian dünyasının Milad bayramını təbrik edirəm”.