Rusiya prezidenti Vladimir Putin Krım sahillərində keçirilən Qara dəniz və Şimal Donanmaların birgə təlimlərini şəxsən izləyib.

ONN media Kremlin mətbuat xidmətinə istinadən xəbər verir ki, təlimlərdə “Marşal Ustinov” raket kreyserinin heyəti “Kinjal” (Xəncər) hipersəs raket sistemini sınaqdan keçirib.

Bundan başqa, iki ədəd “Miq-31K” qırıcı təyyarələri manevrlər edib.

Ümumilikdə, təlimlərdə 30-dan çox gəmi, bir sualtı qayıq və 40-dan çox təyyarə iştirak edib.

Rusiya Hərbi Dəniz Qüvvələrinin Ali Baş Komandanı Nikolay Evmenov Putinə hərbi manevrlərin uğurlu keçirilməsi barədə məlumat verib.