Əgər təyyarə raket ilə vurulsaydı, həmin an partlamalı idi. Yəni təyyarə eniş manevri etməzdi. Halbuki, pilot qəzadan xilas olmaq üçün hava limanına qayıtmağa çalışırdı. ONN media xəbər verir ki, bu sözləri İran Mülki Aviasiya Administrasiyasının Qəza araşdırmaları Komissiyasının rəhbəri Həsən Rızafeyr Ukraynaya məxsus sərnişin təyyarəsinin raketlə vurulması ehtimalları barədə danışarkən bildirib. O, təyyarənin qəzaya uğradığı ərazidə raket başlığı tapılmasını əks etdirən fotoların yayılması barədə informasiyaların həqiqəti əks etdirmədiyini söyləyib.