İraqda amerikalı hərbçilərin olduğu “Bələd” hərbi bazası raket atəşinə tutulub. ONN media xəbər verir ki, bu barədə Türkiyənin NTV televiziyası məlumat yayıb. Mərmi bazanın yaxınlığına düşüb. Tələfat barədə məlumat yoxdur. Hadisəyə görə məsuliyyəti hələlik heç bir qruplaşma üzərinə götürməsə də, hücumun İran dəstəkli qüvvələr tərəfindən təşkil olunduğu güman edilir. Qeyd edək ki, Səlahəddin şəhərində yerləşən “Bələd” hərbi bazası İraqın ən böyük hərbi bazasıdır.