ABŞ hökuməti İrana qarşı yeni sanksiyalar tətbiq edib. ONN media xəbər verir ki, bu barədə ABŞ-ın Maliyyə Nazirliyi məlumat yayıb. Məlumata görə, sanksiyalar İranın Atom Enerjisi Təşkilatına və onun rəhbəri Əli Əkbər Salihiyə tətbiq edilib. Qərarə əsasən Salihinin bank hesabları bloklanıb. Onun ABŞ-a girişi qadağan edilib. Qeyd edək ki, İranın ABŞ-ın İraqdakı bazalarına endirdiyi raket zərbələrindən sonra tərəflər arasında gərginlik artıb. ABŞ son 1 ay ərzində İrana qarşı sanksiyaları iki dəfə genişləndirib.