20:05 Türkiyədə sərnişin təyyarəsi qəzaya uğrayıb. ONN media xəbər verir ki, "Peqasus" şirkətinə məxsus layner Səbiha Gökçən hava limanına enərkən zolaqdan çıxıb. Belə ki, İzmir-İstanbul aviareysini həyata keçirən təyyarə sürüşərək yola çıxıb və müxtəlif hissələrə parçalanıb. Sonra isə yanğın başlayıb. Hava limanı fəaliyyətini dayandırıb, bütün uçuşlar İstanbul hava limanına yönləndirilib. *** Türkiyənin Nəqliyyat naziri Cahit Turxan təyyarədə 171 sərnişinin və 6 ekipaj üzvünün olduğunu bildirib. İlkin məlumata görə, qəza nəticəsində həlak olan yoxdur. Yaralıların təxliyəsi hazırda davam etdirilir. Digər əldə edilən məlumata əsasən, 21 nəfər yaralanıb.(axar.az)
Türkiyədə sərnişin təyyarəsi qəzaya uğradı: yaralılar var

