Suriya ordusuna və Rusiyaya məxsus qırıcıların İdlib vilayətinə endirdiyi hava zərbələri nəticəsində ölənlərin sayı 20-ni ötüb. Onların hamısı dinc insanlardır.

ONN media Anadolu agentliyinə istinadən xəbər verir ki, hücum zamanı çox sayda sakin yaralanıb. Məlumata görə, hava əməliyyatlarının hədəfində Teftenaz, Neyrəb, Binneş o cümlədən İdlibin mərkəzindəki rayonlar olub.

Qeyd edək ki, İdlibdə Türkiyə ordusunun 10 müşahidə məntəqəsi var. Suriya ordusunun quru əməliyyatlarından sonra iki müşahidə məntəqəsi mühasirəyə düşüb. Bu arada, İdlibdəki vəziyyəti müzakirə etmək üçün Rusiya Ankaraya hərbi nümayəndə heyəti göndərəcək.