Bizdə Azərbaycan Xarici İşlər naziri Elmar Məmmədyarovun davranışına baxanda belə təəssürat yaranır ki, Azərbaycan Ermənistana qarşı qarşıdurmanı udub.

Axar.az xəbər verir ki, bunu “Tert.am”a müsahibəsində qondarma Qarabağın “təhlükəsizlik şurası”nın keçmiş rəhbəri Vitali Balasanyan deyib.

“Keçən il mən Boltonun məşhur proqramından sonra nə olacağını demişdim. Məndə olan etibarlı informasiyaya görə, Cenevrədə Laçın rayonunun Kaşataq ərazisinin cənub hissəsində ermənilərlə azərbaycanlılar arasında birgə yaşayış məntəqələrinin tikilməsinin geniş detalları müzakirə edilib”, – deyə o bildirib.

Balasanyan, həmçinin, tərəflərin ayırıcı xəttə BMT sülhməramlı kontingentinin yerləşdirilməsiylə bağlı razılıq əldə etdiklərini deyib.

Bu kontingentin birgə yaşayış sahələrində sülhü təmin edəcəyi vurğulanıb.