ABŞ 10 gün ərzində Əfqanıstandakı qoşunlarını geri çəkəcək. ONN media xəbər verir ki, bunu ABŞ Müdafiə naziri Mark Esper deyib. Baş qərargah rəisi Mark Milli ilə mətbuat konfransı keçirən nazir bildirib ki, Əfqanıstandakı ABŞ əsgərlərinin sayı 8 min 600-ə endiriləcək. Ölkəsi ilə “Taliban” qruplaşması arasında əldə olunan razılaşmaya sadiq qaldıqlarını ifadə edən Esper Əfqanıstanda insidentlərin əhəmiyyətli dərəcədə azaldılmasını gözlədiklərini vurğulayıb: “Müqavilə 135 gün ərzində əsgər sayımızı 8 min 600-ə endirməyi ehtiva edir. Bu çəkilmə 10 gün içində başlanacaq. Oradakı komandirlərə təlimatım “bunu edək, yaxşı niyyətimizi göstərək” şəklində oldu”. Nazir qeyd edib ki, Əfqanıstanda siyasi sabitlik tamamilə təmin olunduğu zaman bütün ABŞ əsgərləri ölkəni tərk edəcək.