Paytaxtın Ziya Bünyadov prospektində (“20 Yanvar” metrostansiyasından “Koroğlu” stansiyası istiqamətdə) hazırda avtomobil sıxlığı müşahidə olunur. ONN media xəbər verir ki, sıxlığa “Çermet körpüsü”ndə aparılan iş səbəb olub. Belə ki, Azərbaycan Avtomobil Yolları Dövlət Agentliyinin əməkdaşlarının “Çermet körpüsü”nün üzərində apardıqları işlə əlaqədar əraziyə texnika cəlb edilib. Bu səbəbdən körpünün üzərində hərəkət tamamilə dayandırılıb.