Bu gün səhər saatlarında Türkiyə-İran qaz boru kəmərinin Ərzurumdan keçən hissəsində güclü partlayış baş verib. ONN media xəbər verir ki, partlayışdan sonra başlayan yanğında alov təxminən 40 metrə qədər yüksəlib. Partlayış ətraf kəndlərin sakinləri arasında büyük təşvişə və qorxuya səbəb olub. Yanğınsöndürənlərin, mülki müdafiə və təhlükəsizlik qüvvələri yanğının söndürülməsinə cəlb olunub. Boru kəmərində qaz verilişi dayandırılıb. Hadisə ilə bağlı araşdırma aparılır, yanğının səbəbi və vurduğu ziyan araşdırılır.