Bildiyiniz kimi, koronavirusla mübarizə çərçivəsində bir sıra özəl və dövlət qurumları, təşkilatlar, obyektlər fəaliyyətini müvəqqəti olaraq dayandırıb. Ölkədə karantin rejimi martın 29-dan, aprelin 20-nə kimi uzadıldı. Karantin rejiminin vaxtı yenidən uzadılarsa qəbul imtahanlarının vaxtlarında hər hansı bir dəyişiklik olub, olmayacağı ilə bağlı Dövlət İmtahan Mərkəzinin mətbuat xidmətinin rəhbəri Xanlar Xanlarzadə açıqlama verib. Həmin açıqlamanı təqdim edirik: “Təxirə salınan imtahanlar, sənəd qəbulunun vaxtı, eləcə də digər tədbirlərin qrafiki Azərbaycan Respublikası Nazirlər Kabineti yanında Operativ Qərargahın qərarlarına uyğun olaraq müəyyən ediləcək və bu barədə ictimaiyyətə əvvəlcədən məlumat veriləcəkdir”- deyə o, bildirib.konkret.az