Türkiyə Cümhurbaşqanlığından Daxili İşlər naziri Süleyman Soylunun istefa qərarı ilə bağlı rəsmi açıqlama yayılıb. ONN media "Hüriyyet" -ə istinadən  xəbər verir ki, Cümhurbaşqanlığının rəsmi açıqlamasında S.Soylunun terrorizmə qarşı, ictimai asayişin bərpasındakı və s. xidmətləri xüsusi vurğulanıb. Yayılan məlumatda qeyd edilib ki, Soylu istefa qərarını Prezident Ərdoğana bildirmiş, Ərdoğan isə istefanı qəbul etməmişdir. "Hazırda Daxili İşlər nazirimiz Süleyman Soylu vəzifəsinin başındadır", - deyə məlumatda bildirilib.