İşsizlərə və işini itirmiş şəxslərə 190 manat ödəniş bu ay plastik kartlarla veriləcək. Buna görə də Kapital Bank filiallarının qarşısında böyük sıxlıq yaşanır.

ONN media xəbər verir ki, bank qarşısına yığılanlar nə növbəyə dayanır, nə də sosial məsafə saxlayırlar. Hətta tibbi maskadan və əlcəkdən də çox az adam istifadə edir.

Bank əməkdaşları dəfələrlə sosial məsafəni qorumaq üçün vətəndaşlardan növbəyə durmalarını xahiş etsə də, buna heç kəs əməl etmir.

Qeyd edək ki, 27 apreldən başlayan birinci yumşalmadan sonra xüsusilə Bakıda sakinlərin laqeydləşdiyi hiss olunur və mütəxəssislər bundan narahat olduqlarını, bu halların pandemiyanın ikinci dalğasına və daha sərt qadağalara səbəb olacağını dıfılırlı xatırladıblar.