Rusiya Xarici İşlər naziri Sergey Lavrovla ABŞ dövlət katibi Maykl Pompeo arasında telefon danışığı olub. ONN media  bildirir ki, bu barədə Dövlət Departamentinin mətbuat xidməti məlumat yayıb. Bildirilib ki, Pompeo və Lavrov silahlanma üzərində nəzarəti müzakirə ediblər. "Dövlət katibi Pompeo və Xarici İşlər naziri Lavrov silahlanma üzərində nəzarət məsələsi ilə bağlı gələcək addımları müzakirə ediblər. Bundan başqa, xarici siyasət idarələrinin rəhbərləri bir sıra ikitərəfli məsələləri, eləcə də koronavirusla mübarizədə qlobal səyləri müzakirə ediblər", - deyə məlumatda vurğulanıb.