Antalyanın Manavgat ilçəsində maraqlı hadisə baş verib. ONN media   xəbər verir ki, yaxınlarına intihar edəcəyini deyən Ercan C. adlı şəxs polisləri görərkən qaçıb. Olay gecə saatlarında baş verib. Ercanın intihar edəcəyi ilə bağlı yaxınlarından mesaj alan polislər hərəkətə keçib. Ünvana çatan əməkdaşlar qapını döysələr də, açan olmayıb. Eyvandan Ercanın evinə daxil olan polislər içəridə heç kəsi tapmayaraq çölə çıxıblar. Dairədə aparılan axtarış zamanı həyətə gələn Ercan oradakı jurnalistlərdən "binada yanğın var?" deyə soruşub. Qonşulardan birinin onun adını çəkməsi ilə sözügedən şəxs taksiyə minərək oradan qaçıb. Ercanın tapılması istiqamətində əməliyyat aparılır.