Amerikanın Çikaqo əyalətində yaşayan Lisa Urso adlı qadını heyvan döyüşlərindən xilas etdiyi it parçalayıb.

ONN media  xəbər verir ki, həyatını itirən 58 yaşlı qadının meyitini ekspertizadan keçirən həkim Hovard Kuper, onun boyunda, ayağında və bədəninin müəyyən hissələrində dərin yaraların olduğunu deyib. Məlum olub ki, keçən ay it Lisanın sevgilisini də dişləyib. 10 gün baytarlıqda saxlanılan iti qadın evinə gətirib. Polis Lisanın itlə evə girdiyi anda ona hücum edib öldürdüyü qənaətinə gəlib. Faciəvi şəkildə ölən qadının yaxınları onun heyvansevər insan olduğunu, kimsəsiz heyvanlar üçün ianə topladığını deyiblər. (ölke.az)