NATO Baş katibi Yens Stoltenberq Liviya Milli Razılıq Hökumətinin rəhbəri Fayez Sərracla telefon əlaqəsi saxlayıb. ONN media  xəbər verir ki, Stoltenberq Liviyada gərginliyin artmasına görə narahatlığını dilə gətirib. “Münaqişə hərbi deyil, siyasi yolla həll edilməlidir. NATO Birləşmiş Millətlər Təşkilatı (BMT) nəzdində aparılan siyasi proseslərə tam dəstək verir. Eyni zamanda, Liviya hökumətinin tələbi ilə Alyans müdafiə və təhlükəsizlik təşkilatları yaratmaqda ölkəyə kömək etməyə hazırdır”, - o deyib.