Rusiyada beş yaşlı pişikdə COVID-19-un törədicisi olan SARS-CoV-2 virusu aşkarlanıb. ONN media  xəbər verir ki, bu barədə Ümumdünya Heyvan Sağlamlığı Təşkilatı məlumat yayıb. Bildirilib ki, virusa yoluxmuş heyvan karantinə alınıb. Pişik sahiblərinin koronavirus xəstəsi olub-olmaması barədə məlumat verilmir və xəstəliyin əlamətləri barədə də məlumat yoxdur. Agentliyin məlumatında bildirilib ki, əvvəllər dünyada bir neçə itin, ev pişiklərinin və pələngin COVID-19-a yoluxması faktları təsdiqlənib. Amma onların hamısı yoluxmuş insanlarla təmasda olublar.