"Hazırda 25-ə yaxın laboratoriyada COVID-19 testlərinin analizi həyata keçirilməkdədir". ONN media  xəbər verir ki, bunu TƏBİB-in İdarə Heyətinin sədri Ramin Bayramlı Operativ Qərargahın bugünkü brifinqində deyib: "Test ehtiyatımız kifayət qədərdir. İlin sonuna qədər kifayət edəcək testlər çox açıq və şəffaf qaydada tender əsasında alınıb. Ölkəmizə gətirilən testlər Almaniya istehsalıdır və tam avtomatlaşdırılmış şəkildə icra olunur". O bildirib ki, testin maya dəyəri 40 manatdır və buraya tibb heyətinin işi daxil deyil.