Avropa Birliyi (AB) daxilində ən böyük dəstəyi İtaliyadan aldıq. ONN media  xəbər verir ki, bunu Türkiyə Xarici İşlər naziri Mövlud Çavuşoğlu italiyalı həmkarı Luici Di Maio ilə birgə keçirdiyi brifinqdə deyib. O bildirib ki, italiyalı həmkarı ilə regional mövzuları müzakirə edib: “Misal üçün, Liviya məsələsi. Liviya ziyarətində gördüyümüz işləri anlatdım. Burada İtaliyanın oynadığı kritik rolun fərqindəyik. Bəzi AB ölkələri kimi Haftarın yanında olmadı. Bundan sonra mübarizəni İtaliya ilə birgə davam etdirmək istəyirik”.