İranın paytaxtı Tehran yaxınlığında güclü partlayış baş verib. ONN media  xəbər verir ki, İran Müdafiə Nazirliyi iyunun 26-sı, saat 00:30-da baş verən partlayışa yandırıcı maddələrin səbəb olduğunu bildirib. “Tehranın şərqindəki Parçın bölgəsində qaz maddələri partlayıb. Xoşbəxtlikdən, itki olmayıb. Yanğın nəzarətə alınıb”, - məlumatda qeyd edilib. Hadisənin video görüntüləri sosial şəbəkələrdə yayılıb. “Mehr” xəbər agentliyi partlayışın bölgədəki hərbi bazada baş verdiyini yazıb. “Sancaq” Teleqram kanalında yayımlanan məlumatda isə görüntülərin qaz maddələrinin partlamasına aid olduğu, bölgədəki hərbi baza ilə əlaqəsi olmadığı qeyd edilib. Həmçinin, partlayışa şahid olan yerli sakinlər və onu araşdıran şəxslər partlayışa yandırıcı maddələrin deyil, kiber hücumun səbəb olduğunu bildirirlər. https://www.youtube.com/watch?time_continue=2&v=6OSR8zFNXuw&feature=emb_title