"Dünya ölkələrində müəyyən yumşalmalar olsa da, yenidən sərt karantin rejimi tətbiq olundu". Bunu Azərbaycan Respublikası Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Operativ Qərargahın bugünkü brifinqində deyib. H.Hacıyev bildirib ki, ölkəmizdə koronavirusla mübarizə dövlət nəzarəti altındadır: "Koronavirus təhlükəsi aradan qalxmayana qədər biz təhlükəsiz olduğumuzu deyə bilmərik. Bu gün biz Qarabağ müharibəsi ilə yanaşı, koronavirusla mübarizə aparırıq. Koronavirus müharibəsi hər bir vətəndaşın qarşısına böyük məsuliyyət qoyur".