Hindistanın Assam əyalətində intensiv yağışların yol açdığı sel və torpaq sürüşməsi genişmiqyaslı tələfata səbəb olub. ONN media  xəbər verir ki, təbii fəlakətlər nəticəsində 111 nəfər dünyasını dəyişib. Assam Fövqəladə Halları İdarəetmə Qurumundan (ASDMA) verilən açıqlamada seldən indiyə qədər 2,5 milyona yaxın insanın zərər gördüyü bildirilib. Evlərini tərk etmək məcburiyyətində qalanlar əyalətdə hazırlanan yardım düşərgələrinə yerləşdirilib. Qeyd edək ki, çay plantasiyaları ilə məşhur olan Assam əyaləti hər il yağış mövsümündə sel suları altında qalır.