Hindistanın şimal-şərqində baş verən daşqınlar nəticəsində 60 nəfər ölüb, yüz minlərlə insan evlərini tərk etmək məcburiyyətində qalıb.

ONN media bildirir ki, daşqınlara fasiləsiz yağan musson yağışları səbəb olub.

Yağıntılar nəticəsində torpaq sürüşmələri də başlayıb.

Hindistan Meteorologiya Departamenti bu həftə bütün şimal-şərq əyalətləri üçün şiddətli yağışların davam edəcəyi barədə xəbərdarlıq edərək qırmızı həyəcan siqnalı verib.

Kaziranqa Milli Parkı və Pələng Qoruğuna ciddi ziyan dəyib, sel suları 31 heyvanın ölümünə səbəb olub. 

Sel sularının Assam və Manipurda yüzlərlə yola, onlarla körpüyə və minlərlə evə ziyan vurduğu bildirilir. 2800-dən çox kənd də su altında qalıb.