Türkiyənin ASELSAN Hərbi Elektron Sənayesi və Ticarət Şirkətinin avtomobili qəzaya uğrayıb. ONN media  xəbər verir ki, şirkətin əməkdaşlarını daşıyan avtomobil sərnişin avtobusu ilə toqquşub. Məlumata görə, Ədirnədən Hataya gedən sərnişin avtobusu ASELSAN-ın xidməti avtobusuna arxadan çarpıb. Qəza səhər saatlarında Ankara yaxınlığında olub. Toqquşmanın təsiri ilə yoldan çıxaraq aşan avtobusun içində 17 nəfər olub. Onlardan biri 39 yaşlı Birol Üneşi hadisə yerindəcə dünyasını dəyişib. 2-si ağır olmaqla, 8 nəfər yaralanıb. Polis sərnişin avtobusunun sürücüsünün ifadəsini almaq üçün bölməyə aparıb. Qəzaya səbəb olan avtobusda yaralı və ölən yoxdur.