İsrail səhiyyəsi 30-40 saniyə ərzində COVİD-19-un aşkarlanması üçün yeni texnologiya, o cümlədən yaxınlıqda heç bir xüsusi avadanlıq olmadan, ev şəraitində 20 dəqiqə ərzində cavab almağa imkan verən tətbiq təqdim edib. ONN media xəbər verir ki, bu barədə ölkənin Turizm Nazirliyi məlumat yayıb. “Səhiyyə Nazirliyi yaxın günlərdə Ben Qurion Hava limanının COVİD-19-un aşkarlanması üçün laboratoriyalar ilə təchiz edilməsinə dair tender elan edəcək. Bu da o deməkdir ki, İsrail alimlərinin son ixtiraları qısa müddətdə köhnə həyatınıza qayıtmağınıza, yenidən səyahət etməyinizə, təhlükəsizliyiniz və sağlamlığınız üçün qorxmamağınıza imkan verəcək”, – İsrail Turizm Nazirliyinin şöbə müdiri Vladimir Şklyar bildirib.  /Axar.az/