"Hazırda koronavirus vaksininin qeydiyyatdan keçirilməsi üçün sənədlər hazırlanır". ONN media  xəbər verir ki, bunu Rusiyanın səhiyyə naziri Mixail Muraşko bildirib. O qeyd edib ki, Qamaleya İnstitutunun hazırladığı koronavirus vaksinin klinik sınaqları yekunlaşıb. Nazir həmçinin Rusiyada kütləvi peyvəndləmənin anonsunu da verib: “Oktyabr ayında ölkədə kütləvi vaksinasiya prosesi başlayacaq”. Onun sözlərinə görə, vaksinasiyadan ilk növbədə tibb işçiləri və müəllimlər keçəcək.