Almaniyada yeni növ koronavirus (COVID-19) tədbirləri çərçivəsində ilin sonuna qədər genişmiqyaslı tədbirlərin keçirilməyəcəyi bildirilib. ONN media xəbər verir ki, bu barədə Almaniya Kansleri Angela Merkel əyalətlərin Baş nazirləri ilə video konfransla görüşü zamanı deyib. Qəbul edilən qərara görə, bu, yayılma zəncirinə nəzarət edilməsi çətin olan və gigiyena qaydalarına riayət edilmədiyi genişmiqyaslı tədbirlərə aiddir. Tamaşaçıların iştirak etdiyi idman tədbirləri mövzusunda müşavirlər səviyyəsində bir işçi qrupu yaradılacaq və oktyabrın sonunadək tamaşaçıların bu tədbirləri izləməsinə icazə verlib-verilməməsi ilə bağlı təkliflər hazırlanacaq.