Ermənistanın baş naziri Nikol Paşinyan Azərbaycanın işğal olunmuş bölgəsinə gəlib və işğalçı ordunun burada yerləşən hərbi hissəsinə baş çəkib. ONN media xəbər verir ki, Paşinyan qondarma "Dağlıq Qarabağ Respublikası"nın rəhbəri Araik Arutyunyan və buradakı işğalçı qüvvələrin komandanı Cəlal Arutyunyan ilə birlikdə döyüş mövqelərində olub. Ardınca Paşinyan və A.Arutyunyan terrorçu rejim ordusunun Xankəndindəki qərargahında görüş keçiriblər. Görüşdə hərbi əməkdaşlıqlar və bölgədəki vəziyyət müzakirə olunub. Ermənistan müdafiə naziri David Tonoyan da iclasda iştirak edib və qondarma rejimin hərbi rəhbərliyini təqdim edib.