Qətər əmiri Şeyx Təmim bin Həməd əs-Saninin ailəsi Türkiyənin Bodrum şəhərinə istirahətə gəlib. ONN media xəbər verir ki, Bodruma gələnin Şeyxin qardaşlarından biri olduğu müəyyənləşib. O, 5 övladı və xanımı ilə birgə 300 milyonluq “Katara” adlı yaxtada istirahət edəcək. Məlumata görə, ailəyə məxsus 2 yük maşını ilə dolu olan əşyalar yaxtaya gətirilib. Təxminən 2 saata yaxın müddətdə yaxtaya 500 çamadan və dalğıçlar üçün oksigen balonlarının daşınması diqqət çəkib. “Üzən saray”a xüsusi aşpazlar, ofisiantlar, dalğıc təlimçiləri, uşaq dayələri, mühafizəçilər daxil olmaqla, ümumilikdə 180 nəfərin gəldiyi təxmin edilir.