NATO-nun Baş katibi Yens Stoltenberq Şərqi Aralıq dənizində Türkiyə ilə Yunanıstan arasında qarşıdurmanın qarşısının alınması mexanizmləri ilə əlaqədar tərəflərin hərbi heyətləri arasında texniki danışıqların başladığını açıqlayıb. ONN media  xəbər verir ki, danışıqlarda hələ heç bir razılığın əldə edilmədiyi bildirilir. Bu barədə Stoltenberq NATO-nun Şimali Atlantika Şurasının daimi nümayəndələr səviyyəsində iclasından sonra mətbuata açıqlama verib. O, Afina rəhbərliyinin Yunanıstan və Türkiyə rəhbərlərinin NATO ilə texniki danışıqlar aparmaq üçün razılaşdıqları xəbərini təkzib etdiklərini xatırladıb: “Bu görüşün məqsədi hərbi qarşıdurmaların qarşısını almaq üçün mexanizmlərin hazırlanmasıdır. Şərq Aralıq dənizində gərginliyi azaltmaq üçün hələ ki, fikir birliyi təmin edilməyib. NATO problemlərin həlli üçün əhəmiyyətli bir platformadır. Şərqi Aralıq dənizində çox sayda gəmi olduğundan, münaqişənin qarşısını almaq üçün mexanizmlərin hazırlanması barədə texniki danışıqlara başlamağımız lazım idi", - Stoltenberq qeyd edib.